Руслан Абдуллаев профессионал боксда учинчи ғалабани қўлга киритди
Жанг тўлиқ давом этди.
Фото: Boxing Uzbekistan
АҚШнинг Калифорния штати, Индио шаҳридаги Fantasy Springs Resort Casino мажмуасида профессионал бокс турнири якунланди.
Оқшом доирасида ўзбекистонлик Руслан Абдуллаев ўзининг проф боксдаги учинчи жангини ўтказди. Абдуллаев америкалик Кевин Жонсонга қарши рингга кўтарилди.
Саккиз раунд тўлиқ давом этган жангда Абдуллаев тажрибали рақибини ҳакамларнинг якдил қарори билан очколар ҳисобига кўра мағлубиятга учратди — 80-72, 79-73, 79-73.
Ҳаваскор боксда жаҳон чемпиони ҳисобланган Руслан Абдуллаев эса бугун проф боксдаги учинчи жангида учинчи ғалабасини қўлга киритди.
Розикжон Султонмуродов
Журналист