Ruslan Abdullaev professional boksda uchinchi g‘alabani qo‘lga kiritdi
Jang to‘liq davom etdi.
Фото: Boxing Uzbekistan
AQShning Kaliforniya shtati, Indio shahridagi Fantasy Springs Resort Casino majmuasida professional boks turniri yakunlandi.
Oqshom doirasida o‘zbekistonlik Ruslan Abdullaev o‘zining prof boksdagi uchinchi jangini o‘tkazdi. Abdullaev amerikalik Kevin Johnsonga qarshi ringga ko‘tarildi.
Sakkiz raund to‘liq davom etgan jangda Abdullaev tajribali raqibini hakamlarning yakdil qarori bilan ochkolar hisobiga ko‘ra mag‘lubiyatga uchratdi — 80-72, 79-73, 79-73.
Havaskor boksda jahon chempioni hisoblangan Ruslan Abdullaev esa bugun prof boksdagi uchinchi jangida uchinchi g‘alabasini qo‘lga kiritdi.
Roziqjon Sultonmurodov
Jurnalist