Раян Гарсия февраль ойида чемпионлик камари учун рингга кўтарилади
Америкалик боксчи Раян Гарсия (24-2, 20 KO) ярим ўрта вазн (66,7 кг гача) тоифасида WBC чемпионлик камари учун жанг ўтказиш юзасидан ватандоши Марио Барриос (29-2-2, 18 KO) билан шартнома имзолаганини эълон қилди.
«Мен 21 февраль куни Марио Барриосга қарши WBC титул жангини ўтказаман. Тайёр бўлинглар, мен келаяпман», — деди Гарсия ижтимоий тармоқларда.
Раян Гарсия — 27 ёшда. У 2016 йилда профессионал боксда дебют қилган, 2021 йилда енгил вазн (61,2 кг) тоифасида WBC вақтинчалик чемпиониликни қўлга киритган. 2023 йилдан буён ярим ўрта вазнда жанг қилиб келмоқда.
Марио Барриос — 30 ёшда. У 2013 йилда профессионал рингда дебют қилган, 2019 йилда биринчи ярим ўрта вазн (63,5 кг) тоифасида WBA чемпиони, 2024 йилда эса ярим ўрта вазн бўйича WBC чемпиони бўлган.
