Rayan Garsiya fevral oyida chempionlik kamari uchun ringga koʻtariladi
Amerikalik bokschi Rayan Garsiya (24-2, 20 KO) yarim o‘rta vazn (66,7 kg gacha) toifasida WBC chempionlik kamari uchun jang o‘tkazish yuzasidan vatandoshi Mario Barrios (29-2-2, 18 KO) bilan shartnoma imzolaganini e’lon qildi.
«Men 21 fevral kuni Mario Barriosga qarshi WBC titul jangini o‘tkazaman. Tayyor bo‘linglar, men kelayapman», — dedi Garsiya ijtimoiy tarmoqlarda.
Rayan Garsiya — 27 yoshda. U 2016 yilda professional boksda debyut qilgan, 2021 yilda yengil vazn (61,2 kg) toifasida WBC vaqtinchalik chempionligini qo‘lga kiritgan. 2023 yildan buyon yarim o‘rta vaznda jang qilib kelmoqda.
Mario Barrios — 30 yoshda. U 2013 yilda professional ringda debyut qilgan, 2019 yilda birinchi yarim o‘rta vazn (63,5 kg) toifasida WBA chempioni, 2024 yilda esa yarim o‘rta vazn bo‘yicha WBC chempioni bo‘lgan.
