Расулжонов — Урвановга қарши: Екатеринбургда жиддий синов кутиб турибди
Мағлубиятсиз боксчимиз RCC турнирда кучли рақибга қарши рингга чиқади
Расм: Gazeta.uz
Иккинчи ярим енгил вазн тоифасида мағлубиятсиз одимлаётган ўзбекистонлик чарм қўлқоп устаси Хуршидбек Расулжоновнинг навбатдаги жанги санаси ва рақиби маълум бўлди. 24 ёшли боксчимизнинг навбатдаги жангини жорий йилнинг 5 июль куни Россиянинг Екатеринбург шаҳрида ташкил этиладиган нуфузли RCC Boxing турнирида кузатамиз. Унда Расулжонов россиялик тажрибали боксчи, 29 ёшли Марк Урвановга қарши рингга кўтарилади.
Хуршидбек Расулжонов ҳозиргача 9 та жанг ўтказган ва барчасида зафар қучган. Марк Урванов эса 30 жангда иштирок этган: 25 ғалаба, 3 мағлубият ва 2 дуранг қайд этган.
Шунингдек, мазкур мусобақа доирасида яна бир вакилимиз — Улуғбек Собиров ҳам ўз жангида иштирок этади.
Жанг кунига бағишланган афиша (постер) ҳам тақдим этилди.
Бакрадзе Иман
Редактор