Расман: Жейк Пол Энтони Джошуага қарши жанг қилади
Тўқнашув 19 декабрь куни Майамида ўтказилади.
ФОТО: Getty Images
19 декабрь куни АҚШнинг Майами шаҳрида жойлашган «Kaseya Center» аренасида профессионал бокс кечаси ташкил этилади.
Кечанинг асосий жангида Энтони Джошуа видеоблогер Жейк Полга қарши рингга кўтарилади. Бу ҳақда Netflix расман эълон қилди.
Маълумот учун, Джошуа (28-4) ўзининг сўнгги жангини 2024 йилнинг сентябрида Дэниел Дюбуага қарши ўтказиб, нокаутга учраган. Пол эса ўтган ёзда Хулио Сезар Чавес Жуниор билан тўқнаш келиб, ғалаба қозонган.
Қайд этилишича, жангчилар иштирокидаги дастлабки матбуот анжумани 21 ноябрь куни бўлиб ўтади.
Насрулло Каримов
Журналист