Rasman: Jeyk Pol Entoni Joshuaga qarshi jang qiladi
Toʻqnashuv 19 dekabr kuni Mayamida oʻtkaziladi.
FOTO: Getty Images
19 dekabr kuni AQShning Mayami shahrida joylashgan «Kaseya Center» arenasida professional boks oqshomi tashkil etiladi.
Kechaning asosiy jangida Entoni Joshua videobloger Jeyk Polga qarshi ringga koʻtariladi. Bu haqda Netflix rasman eʼlon qildi.
Maʼlumot uchun, Joshua (28-4) oʻzining soʻnggi janggini 2024 yilning sentyabrida Daniel Dyubuaga qarshi oʻtkazib, nokautga uchragan. Pol esa oʻtgan yozda Julio Sezar Chaves Jr. bilan toʻqnash kelib, gʻalaba qozongan.
Qayd etilishicha, jangchilar ishtirokidagi dastlabki matbuot anjumani 21 noyabr sanasida boʻlib oʻtadi.
Nasrullo Karimov
Jurnalist