Расман! Усик ва Дюбуа ўртасидаги жангнинг аниқ санаси маълум бўлди
ФОТО: Sky Sports
12-июл куни Лондонда жойлашган “Уембли” стадионида Александр Усик ва Даниел Дюбуа ўртасида супероғир вазн тоифасида мутлақ жаҳон чемпионлиги унвони учун жанг ўтказилади. Бу ҳақда The Ring нашри хабар бермоқда.
Манбага кўра, жангчиларнинг жамоалари музокараларни якунлаш босқичида турибди.
Эслатиб ўтамиз, Александр Усик ўзининг сўнгги жангида ўтган йилнинг декабрь ойида Тайсон Фьюрига қарши ўтказган ва ўз унвонини муваффақиятли ҳимоя қилганди.
Дюбуа эса охирги жангида ўтган йилнинг сентябрь ойида Энтони Джошуага қарши ўтказиб, рақибини нокаутга учратганди.