Расман: Шоҳжаҳон Эргашев машҳур бокчи Ованнес Бачковга қарши рингга чиқади
Биринчи яримўрта вазн тоифасида IBF камари учун собиқ даъвогар ҳисобланган ўзбекистонлик боксчи Шоҳжаҳон Эргашевнинг навбатдаги жанги расман эълон қилинди.
Ҳамюртимиз 2 июл куни Туркиянинг Истанбул шаҳридаги Rixos Tersane мажмуасида бўлиб ўтадиган IBA.Pro 7 турнири доирасида рингга чиқади. Турнир ташкилотчилари маълум қилишича, Эргашев ушбу кечада Арманистон вакили — тажрибали ва машҳур боксчи Ованнес Бачков билан куч синашади.
Шоҳжаҳон Эргашев, 33 ёш — 27 жанг, 25 ғалаба, 2 мағлубият
Ованнес Бачков, 32 ёш — 7 жанг, 7 ғалаба
Ушбу жанг кечанинг марказий тўқнашуви бўлмасада, турнирнинг эътиборга молик жангларидан бири сифатида кутилмоқда. Турнирнинг асосий жангидан ўрин эса супер ярим енгил вазн тоифасидаги чемпионлик камари учун Альберт Батиргазиев ва Жеймс Диккенс баҳсига берилган.
Эргашев – Бачков тўқнашуви нафақат мухлислар, балки мутахассислар томонидан ҳам катта қизиқиш билан кутилмоқда.
