Rasman: Shohjahon Ergashov mashhur bokschi Ovanes Bachkovga qarshi ringga chiqadi

2 iyul kuni Istanbuldagi IBA.Pro 7 turnirida o‘zbekistonlik chempion navbatdagi sinovini o‘tadi

Boks 20 iyn 2025 da 02:34

Rasm: Olamsport.uz

Birinchi yarim o‘rta vazn toifasida IBF kamariga sobiq da’vogar hisoblangan o‘zbekistonlik bokschi Shohjahon Ergashovning navbatdagi jangi rasman e’lon qilindi.

Ham yurtdoshimiz 2 iyul kuni Turkiyaning Istanbul shahridagi Rixos Tersane majmuasida bo‘lib o‘tadigan IBA.Pro 7 turniri doirasida ringga chiqadi. Turnir tashkilotchilari ma’lum qilishicha, Ergashov ushbu kechada Armaniston vakili — tajribali va mashhur bokschi Ovanes Bachkov bilan kuch sinashadi.

Shohjahon Ergashov, 33 yosh — 27 jang, 25 g‘alaba, 2 mag‘lubiyat
Ovanes Bachkov, 32 yosh — 7 jang, 7 g‘alaba

Ushbu jang kechaning markaziy to‘qnashuvi bo‘lmasa-da, turnirning e’tiborga molik janglaridan biri sifatida kutilmoqda. Turnirning asosiy jangidan o‘rin esa super yarim engil vazn toifasidagi chempionlik kamari uchun Albert Batirgaziyev va Jeyms Dickens bahsiga berilgan.

Ergashov – Bachkov to‘qnashuvi nafaqat muxlislar, balki mutaxassislar tomonidan ham katta qiziqish bilan kutilmoqda.