Пакьяо 2026 йилда бир нечта жанг ўтказишни режалаштирмоқда
Филиппинлик боксчи ҳозирда 46 ёшда.
ФОТО: Getty Images
Бокс бўйича собиқ жаҳон чемпиони, филиппинлик Менни Пакьяо 2026 йилда бир нечта жанг ўтказишни режалаштираётганини маълум қилди.
«2026 йил учун режаларимда бир нечта жанг бор. Ҳозир музокаралар олиб бораяпмиз», — деди Пакьяо ТАСС нашрига берган интервьюсида.
2025 йил 20 июль куни Пакьяо тўрт йиллик танаффусдан сўнг рингга қайтиб, Марио Барриосга қарши жанг ўтказган эди. Ушбу баҳс дуранг натижа билан якунланди.
46 ёшли Менни Пакьяо фаолияти давомида 62 та ғалаба (39 таси нокаут билан), 8 та мағлубият ва 3 та дуранг қайд этган. У бокс тарихида саккизта вазн тоифасида жаҳон чемпиони бўлган ягона боксчи ҳисобланади.
Насрулло Каримов
Журналист