Осиё ёшлар чемпионати ярим финалига чиққанлар аниқланди. 25 апрел жанглари натижалари
Амман шаҳрида (Иордания) бокс бўйича ёшлар ўртасидаги Осиё чемпионати давом этмоқда. 25 апрел куни рингга Ўзбекистоннинг тўққиз нафар вакили чиқди. Улардан айримлари ярим финалга йўлланмани қўлга киритди.
Жанглар натижалари:
Аброрбек Шарипов мусобақа кунни ғалаба билан бошлади. У мезбон мамлакат вакили Ҳасан Салемни 60 кг вазн тоифасида 4:1 ҳисобида енгди.
Саидхўжа Саъдиллахўжаев 63 кгда украиналик Богдан Козакни ишончли равишда мағлуб этди — 5:0.
70 кг вазн тоифасида Дёрбек Муродиллоев Қозоғистон вакили Қуаныш Урумбасарни 5:0 ҳисобида ютди.
Аёллар ўртасида 60 кгда Рушанабону Исоева Қирғизистонлик Симбат Ураимжоновага қарши жангда иккинчи раундда техник нокаут билан ғалаба қозонди.
63 кг вазнда Чаросхон Эргашева украиналик Екатерина Морозга 0:5 ҳисобида ютқазди.
Хуршидбек Жўраев 75 кгда Ҳиндистон вакили Приянш Сехраватни 5:0 ҳисобида мағлуб этиб, ярим финалга чиқди.
80 кг вазн тоифасидаги чорраҳбақсда Асадбек Султонбоев украиналик Дмитрий Касяненкога 1:4 ҳисобида ютқазди.
Супероғир вазнда (+80 кг) Артур Кенесбаев Иорданиялик Омар Иссудан устун келди — 5:0.
Кунни 70 кгдаги Улбосин Жалғасбаева якунлади. У Тайваннинг Чен Ҳуэй Цзоуни иккинчи раундда нокаутга учратди.