Мужибилло Турсунов WBC Гран-присида чорак финалга чиқди
Ўзбек боксчиси аргентиналик рақибга қарши навбатдаги жангини ўтказади
Расм: Olamsport.uz
Саудия Арабистонининг Ар-Риёд шаҳрида бўлиб ўтаётган WBC Гран-приси турнири қизғин паллага кирди. Унда юртимизнинг етакчи боксчиларидан бири Мужибилло Турсунов бугун чорак финалда рингга чиқади. Унинг рақиби — аргентиналик Алан Эзикел Дутра.
Эслатиб ўтамиз, апрел ойидаги илк босқичда Турсунов билан бирга Аюбхон Бахтиёров ва Лазизбек Мулложонов ҳам ғалаба қозонган эдилар. Турсунов профессионал рингда 6 жанг ўтказган ва барчасида зафар қучган. Унинг бугунги рақиби Дутранинг ҳисобида 15 та ғалаба мавжуд.
Маълумот ўрнида, Аюбхон Бахтиёров ва Лазизбек Мулложонов ўз жангларини эртага, 21 июн куни ўтказишади.
