Муроджон Аҳмадалиев навбатдаги жангига Иноуенинг бўлажак рақиби билан тайёргарлик кўрмоқда
ФОТО: WBA
Иккинчи энг енгил вазн тоифасида WBA Inteim камари соҳиби, ўзбекистонлик Муроджон Аҳмадалиев навбатдаги жангига тайёргарликни давом эттирмоқда.
Эслатиб ўтамиз, ҳамюртимиз 5-май куни АҚШ'нинг Лас-Вегас шаҳрида ташкил этиладиган профессионал бокс оқшомида рингга кўтарилади. Унга ким рақиблик қилиши ҳозирча номаълум.
Мусобақанинг марказий жанги иккинчи энг енгил вазн тоифасида мутлақ жаҳон чемпиони Наоя Иноуе ва АҚШ вакили Рамон Карденас ўртасида кечади.
Аҳамиятли томони шундаки, Аҳмадалиев жанг учун тайёргарликни айнан Карденас билан биргаликда олиб бормоқда.
Агарда Иноуе ва Аҳмадалиев ўз жангларида ғалаба қозонса, улар сентябр ойида ўзаро тўқнаш келишади.