Муроджон Аҳмадалиев Наоя Иноуэга қарши жанг учун Японияга йўл олди
Ўзбек боксчиси АҚШдаги тайёргарлик босқичини якунлади
Расм: Instagram
Профессионал боксчимиз Муроджон Аҳмадалиев мутлақ жаҳон чемпионлик камари учун кечадиган жанг олдидан АҚШдаги машғулотларни якунлади ва Японияга йўл олди.
14 сентябр куни Нагоя шаҳрида у иккинчи энг енгил вазн тоифасидаги мутлақ чемпион, маҳаллий боксчи Наоя Иноуэга қарши рингга кўтарилади.
Аҳмадалиев ҳамкорлик қилаётган “Мир Бокса” менежерлик компанияси хабарига кўра, қолган тайёргарлик жараёнлари — иқлимга мослашиш, вазн ташлаш ва сўнгги енгил машғулотлар Японияда ўтказилади.
Бакрадзе Иман
Редактор