Муроджон Аҳмадалиев Мексикадаги жангини муддатидан олдин якунлади
Расм: gettyimages.com
Мексиканинг Гвадалахара шаҳрида бўлиб ўтган профессионал бокс кечасида Ўзбекистон вакили Муроджон Аҳмадалиев мезбон спортчи Луис Кастильога қарши рингга кўтарилди.
10 раундга мўлжалланган жанг 8-раундда техник нокаут билан якун топди. Аҳмадалиев кетма-кет зарбалар серияси билан рақибини мувозанатдан чиқариб, ҳакам жангни тўхтатишга мажбур бўлди. Жанг давомида Муроджон рақибини бир неча бор нокдаун ҳолатига туширгани қайд этилди.
Энди Муроджон Аҳмадалиевнинг навбатдаги рақиби жаҳоннинг мутлақ чемпиони — япониялик Наоя Иноуэ бўлади. Ушбу интизорлик билан кутилган жанг сентябр ойига режалаштирилган.
Бакрадзе Иман
Редактор