Муроджон Аҳмадалиев: Бу ҳаётимдаги энг катта имконият
Иккинчи энг енгил вазн тоифасида WBA вақтинчалик чемпиони ҳисобланган Муроджон Аҳмадалиев бўлажак жанг олдидан ўз фикрларини билдирди.
“Бу жангга икки йил тайёрландик. Шунча гап-сўзлар, қарама-қаршиликлар, интригалар бўлди. Мана — мен энди шу ердаман. Бу ҳаётимдаги энг катта имконият. Боксда ‘монстер’ дегани йўқ. Мен Иноуэни ‘монстер’ деб ҳисобламайман. Ҳаммамиз инсонмиз, жангчилармиз. Тахаллусларни ҳурмат қиламан, лекин ростини айтсам, ‘MJ’ кўпроқ ҳис уйғотади. Ким аслида ким эканлигини ринг кўрсатади. Ким ҳақиқий ўзбек кучи билан келганини ҳам ринг кўрсатади”, — деди Аҳмадалиев.
Наманганда туғилган Муроджон Аҳмадалиев 14 сентябр куни Япониянинг Нагоя шаҳрида иккинчи энг енгил вазн тоифасидаги мутлақ чемпион, япониялик Наоя Иноуэга қарши рингга чиқади.
