Murodjon Ahmadaliyev: Bu hayotimdagi eng katta imkoniyat
Ikkinchi eng engil vazn toifasida WBA vaqtinchalik chempioni hisoblangan Murodjon Ahmadaliyev bo‘lajak jang oldidan o‘z fikrlarini bildirdi.
“Bu jangga ikki yil tayyorlandik. Shuncha gap-so‘zlar, qarama-qarshiliklar, intirigalar bo‘ldi. Mana — men endi shu yerdaman. Bu hayotimdagi eng katta imkoniyat. Boksda ‘monstr’ degani yo‘q. Men Inoue’ni ‘monstr’ deb hisoblamayman. Hammamiz insonmiz, jangchilarmiz. Taxalluslarni hurmat qilaman, lekin rostini aytsam, ‘MJ’ ko‘proq his uyg‘otadi. Kim aslida kim ekanligini ring ko‘rsatadi. Kim haqiqiy o‘zbek kuchi bilan kelganini ham ring ko‘rsatadi”, — dedi Ahmadaliyev.
Namanganda tug‘ilgan Murodjon Ahmadaliyev 14 sentabr kuni Yaponiyaning Nagoya shahrida ikkinchi eng engil vazn toifasidagi mutlaq chempion, yaponiyalik Naoya Inoue’ga qarshi ringga chiqadi.
