Муҳаммад Шехов WBA камари учун жанг қилиши мумкин
Профессионал бокснинг иккинчи энг енгил вазн тоифасида иштирок этувчи бухоролик спортчи Муҳаммад Шехов камар учун рингга чиқиши кутилмоқда. Бу ҳақда унинг ҳамкорликда ишлайдиган RCC Boxing промоутерлик компанияси раҳбари Герман Титов маълум қилди.
Россияда истиқомат қиладиган Шехов ўз жангларига ҳам Ўзбекистон, ҳам Россия байроқлари билан чиқиб келади. Титовнинг таъкидлашича, Шехов учун энг мақбул вариант – бу WBA Interim камари учун жанг:
“Муҳаммад учун энг яхши йўл – вақтинчалик чемпионлик учун баҳс. Чунки бу унга кейинчалик тўлақонли чемпион билан жанг қилиш ёки тўлиқ чемпионликка эришиш имконини беради. Япониялик Наоя Иноуэ яқин орада вазн тоифасини ўзгартириши мумкин, шу боис имконият янада ошади”, — деди Титов.
Маълумот учун, ҳозирда мазкур тоифадаги WBA Interim камари ҳамюртимиз Муроджон Аҳмадалиевга тегишли.
