Мэнни Пакяо рингга қайтмоқда: июлда WBC камар учун Марио Барриосга қарши жанг ўтказади
Расм: gettyimages.com Мэнни Пакяо
Афсонавий филиппинлик боксчи Мэнни Пакяо яна рингга қайтишини маълум қилди. 46 ёшли собиқ жаҳон чемпиони WBC версияси бўйича ярим ўрта вазн тоифасидаги чемпионлик камари учун америкалик Марио Барриосга қарши жанг қилади.
Бу ҳақда Жаҳон бокс кенгаши (WBC) президенти Маурисио Сулейман ижтимоий тармоқда хабар берди. Унинг таъкидлашича, Барриос жангга тайёргарликни бошлаб бўлган, жанг эса июл ойида бўлиб ўтади.
Пакяо охирги расмий жангини 2021 йил август ойида ўтказган эди — у кубалик Йорденис Угасга ҳакамлар қарорига кўра ютқазган. Умумий фаолияти давомида филиппинлик чемпион 72 марта рингга чиқиб, 62 ғалабага (шундан 39 та нокаут) эришган, 8 марта мағлуб бўлган ва 2 жангни дуранг билан якунлаган.
Бакрадзе Иман
Редактор