Майк Тайсон декабр ойида MMA афсонаси билан жанг қилиши мумкин
ФОТО: Getty Images
Қозоғистоннинг Alash Pride League президенти Алимжон Бектаев супероғир вазн тоифасида собиқ мутлақ жаҳон чемпиони Майк Тайсон ва Pride FC'нинг собиқ чемпиони Фёдор Емельянко ўртасида жанг ташкил қилиш устида иш олиб бораётгани маълум қилди.
“Биз Майк Тайсон ва Фёдор Емельянко ўртасида жанг бўлишини истардик. Бу борада иш олиб борилмоқда. Бу жанг декабр ойида бўлиб ўтиши мумкин”, - дейди Бектаев.
Эслатиб ўтамиз, Майк Тайсон ўзининг сўнгги жангини 2024 йилнинг ноябр ойида Жейк Полга қарши ўтказган. 8 раунд давом этган жангда Полнинг қўли баланд келган.
Насрулло Каримов
Журналист