Ливерпуль-2025. Ўзбекистонлик 2 нафар боксчи чорак финалга йўл олди
Фото: Boxing Uzbekistan
Англиянинг Ливерпуль шаҳри мезбонлик қилаётган бокс бўйича Жаҳон чемпионатининг бешинчи кун дастуридан ўрин олган кундузги жанглар бўлиб ўтди.
Турнир давомида икки нафар ўзбекистонлик боксчи ҳам кейинги босқич масаласини ҳал қилди.
-75 кг вазнда бўлиб ўтган куннинг олтинчи жангида Фазлиддин Эркинбоев туркиялик Султан Османлини 5:0 ҳисобида мағлубиятга учратди. Шу тариқа, яна бир чоракфинал йўлланмаси нақд қилинди.
Оқшомнинг ўзбекистонлик боксчилар иштирокидаги 7-жангида эса +90 кг вазн тоифасидаги Жаҳонгир Зокиров германиялик Никита Путиловна қарши рингга кўтарилиб, рақибидан устунлигини кўрсата олди.
Шу тариқа, душанба кунги жангларда Ўзбекистон шарафини ҳимоя қилган 7 нафар боксчи 7 ғалабага эришди.
Розикжон Султонмуродов
Журналист