Кичик ўсмирларимиз Аммандаги Осиё чемпионатини муваффақиятли якунлашди
ФОТО: Olympic.uz
Иорданиянинг Амман шаҳри бокс бўйича U15 ва U17 ёш тоифаларидаги Осиё чемпионатига мезбонлик қилмоқда. Ортида қолган кун 15 ёшгача бўлган спортчилар ўртасида финал жанглари ўтказилди.
Якунда рингга кўтарилган 15 нафар боксчимиздан 7 нафари ғалаба қозониб, қитъа чемпионига айланди. Шунингдек, ярим финалгача етиб борган 8 нафар вакилимиз бронза медалига сазовор бўлди.
Ушбу натижа орқали йигитларимиз умумжамоа ҳисобида биринчи ўринни қўлга киритишди. Бугун 17 ёшгача бўлган боксчилар ўртасидаги финал жанглари ташкил этилади.