Камшибек Конкабаев: “Баҳодир Жалоловга қарши яна бир бор рингга чиқишга тайёрман”
ФОТО: Asian Boxing Confederation
2020-йилги Токио Олимпиадаси бронза медали совриндори, икки карра Жаҳон чемпионатининг кумуш медали соҳиби Камшибек Конкабаев яна бир бор ўзининг азалий рақиби Баҳодир Жалоловга қарши жанг қилишга тайёрлигини билдирди. Бу ҳақда Sportnews нашри хабар бермоқда.
“Агар жанг ташкил қилинса, Баҳодир Жалоловга қарши яна бир марта рингга чиқишга тайёрман. Албатта, бу қизиқ жанг бўлади. Ҳозирда профессионал боксда фаолиятимни давом эттириш ёки йўқлиги ҳақида ўйлаяпман”, - дейди Конкабаев.
Эслатиб ўтамиз, аввалроқ қозоғистонлик боксчи ҳаваскор боксдаги фаолиятини якунлаганини эълон қилганди.
Маълумот учун, Жалолов ва Конкабаев ҳаваскор боксда 10 марта тўқнаш келишган ва уларнинг 7 тасида Баҳодирнинг қўли баланд келган.
Насрулло Каримов
Журналист