Иван Дичко Усик - Дюбуа жангининг ғолибини тахмин қилди
Олимпия ўйинларининг икки карра бронза медали соҳиби (2012, 2016), уч карра Жаҳон чемпионати совриндори (2011, 2013, 2015), супероғир вазн тоифасида қозоғистонлик боксчи Иван Дичко Sports24.kz нашрига эксклюзив интервью берди.
Дичко суҳбат чоғида Александр Усик ва Даниэль Дюбуа ўртасидаги бўлажак реванш жанги ҳақида ўз фикрларини билдириб ўтди.
“Тўғрисини айтсам, боксда унчалик кўп нарсани тушунмаслигимни англадим. Чунки мен ниманидир башорат қилсам, ҳаммаси доим тескари бўлиб чиқади. Бу, айниқса, Александр Усикнинг жангларига тегишли.
У Мурат Гассиев билан жанг қолганида, Гассиев ғалаба қозонишига ишончим комил эди. Лекин Усик ғалаба қозонди. Кейин Тайсон Фьюрига қарши жангда ҳам Фьюрини имкониятларини юқори баҳолаган эдим, бироқ унда ҳам Усик кучлироқ бўлиб чиқди.
Ҳозирда Дюбуа фаолиятининг чўққисида турибди. Ва агар мен башорат қиладиган бўлсам, ўзимнинг “нотўғри” интуициямга асосланиб, Дюбуанинг ғалабасини тахмин қиламан. Аммо, одатда, ҳаммаси қандай бўлишини билган ҳолда, Усик ғалаба қозонади деб ўйлайман. У рингга ақллироқ ва интеллектуалроқ”, - дейди Дичко.
Эслатиб ўтамиз, Александр Усик ва Даниэль Дюбуа ўртасидаги илк жанг 2023 йилнинг август ойида Польшада бўлиб ўтган ва унда украиналик боксчи 9-раундда техник нокаут билан ғалабага эришган.
Реванш жанги эса 2025 йилнинг 19-июль санасига белгиланган ва Лондондаги “Уэмбли” стадионида бўлиб ўтади.
