IBF вакант жаҳон чемпионлик камари учун жангни расман белгилади
Халқаро бокс федерацияси (IBF) оғир вазн тоифасидаги вакант жаҳон чемпионлик камари учун Фрэнк Санчес ва Мозес Итаума ўртасида жанг ташкил этилишини расман буюрди. Бу қарор Александр Усикнинг чемпионлик камаридан воз кечганидан сўнг қабул қилинди.
Томонларга музокараларни бошлаш учун расмий рухсат берилган. Агар келишувга эришилса, кубалик Фрэнк Санчес ва британиялик истеъдодли боксчи Мозес Итаума IBF'нинг янги жаҳон чемпиони номи учун рингга чиқади.
Бироқ Итаума ҳозирча 29-август куни Филип Хрговичга қарши жангга тайёргарлик кўрмоқда. Шу сабабли IBF чемпионлик жанги санаси ёки рақиби борасида ўзгаришлар бўлиши ҳам истисно этилмаяпти.
Агар ушбу баҳс тасдиқланса, ғолиб Александр Усик бўшатиб қўйган IBF оғир вазн тоифасидаги жаҳон чемпионлик камарининг янги эгасига айланади.