IBF Дмитрий Бивол ва ва Михаил Эйферт ўртасидаги жангни тасдиқлади
Халқаро бокс федерацияси (IBF) яримоғир вазн тоифасида (79,4 кг гача) чемпионлик камари учун россиялик Дмитрий Бивол ҳамда германлик Михаил Эйферт ўртасидаги жангни расман тасдиқлади. Бу ҳақда BoxingScene нашри хабар берди.
Қайд этиш жоиз, IBF бу қарорни иккинчи бор қабул қилмоқда. Мазкур жанг дастлаб 2025 йил охирида белгиланган эди, бироқ Бивол белидаги операциядан кейин тикланиш жараёни сабабли тиббий кечиктириш олганди.
Михаил Эйферт ҳозирда 28 ёшда. Германлик боксер профессионал рингдаги дебютини 2018 йилда ўтказган. Унинг фаолиятидаги энг эътиборли ғалабалардан бири собиқ жаҳон чемпиони, канадалик Жан Паскал устидан қўлга киритилган зафар ҳисобланади. Эйферт ҳозиргача 14 та жанг ўтказиб, 13 бор ғалаба қозонган ва бир марта мағлуб бўлган.
