Хосе Бенавидес кокаин учун дисквалификация қилинди
Америкалик профессионал боксчи Хосе Бенавидес допинг қоидаларини бузгани учун тўққиз ойга дисквалификация қилинди. Бу ҳақда Boxing Scene нашри Бокс комиссиялари ассоциацияси маълумотига таяниб хабар берди.
Февраль ойида Дэнни Розенбергерга қарши ўтказилган жангидан кейин олинган допинг намунасидан кокаин метаболити — бензоилэкгонин аниқланган. Ҳолбуки, ушбу жангда Бенавидес рақибини нокаутга учратган эди. Бироқ допинг қоидабузарлик туфайли жанг натижаси бекор қилинди ва расман ҳисобга ўтказилмади.
Комиссия қарорига кўра, Бенавидес 2025 йил 31 октябрга қадар ABC (Бокс комиссиялари ассоциацияси) шафелигида жангларда иштирок эта олмайди.
Хосе Бенавидес ҳозиргача 28 та ғалаба, 3 мағлубият ва 1 дуранг натижага эга. У аввалроқ WBA версияси бўйича биринчи ярим ўрта вазнда вақтинчалик чемпион бўлган, 2018 йилда эса WBO камари учун бўлган жангда Теренс Кроуфордга ютқазган.
