Фьюри ва Джошуа жанги олдидан илк матбуот анжумани ўтказилмаслиги мумкин
Тайсон Фьюри ва Энтони Джошуа ўртасидаги жанг олдидан режалаштирилган илк матбуот анжумани бекор қилиниши мумкин. Sky Sports хабарига кўра, тадбир 29 сентябрь куни ўтказилиши керак, бироқ ҳозирча унинг бўлиб ўтиши кафолатланмаган.
Энтони Джошуа промоутери Эдди Хирн ҳам матбуот анжумани бўйича якуний тасдиқ йўқлигини билдирди. Унинг таъкидлашича, томонлар иштирокисиз ушбу тадбирни ўтказиб бўлмайди.
Бу ноаниқлик Фьюри ва Джошуа жанги атрофидаги келишмовчиликлар фонида юзага келмоқда. Аввалроқ жангни ташкил этишда Дана Уайтнинг иштироки бўйича томонлар ўртасида келишмовчилик юзага келгани ҳақида хабарлар тарқалган эди.
Маълумот учун, Тайсон Фьюри ва Энтони Джошуа ўртасидаги жанг 11 декабрь куни Кардиффдаги “Principality Stadium” стадионида ўтказилиши режалаштирилган.
