Феруза Казакова Жаҳон кубогини бронза медали билан якунлади
Ўзбекистонлик боксчи ярим финалда ҳинд спортчисига ютқазди ва мусобақада учинчи ўринни эгаллади
Расм: boxing.uz
Бугун, 5 июл куни Остонада ўтаётган World Boxing ташкилоти мусобақасида ўзбекистонлик Феруза Казакова ярим финал жангида рингга чиқди. Тошкент вақти билан 14:15 да бошланган -54 кг вазн тоифасидаги баҳсда у ҳиндистонлик Сакшига қарши курашди.
Афсуски, Казакова 0:5 ҳисобида мағлубиятга учради ва мусобақани бронза медали билан якунлади.
Феруза ушбу босқичгача етган йўлида кучли рақибларни мағлуб этди:
— Қозоғистонлик Анел Сақиш устидан ишонарли ғалаба
— Тайван спортчиси, мусобақа фаворити Хуан Сяовэнни мағлуб этди
Энди Сакши финалда олтин медал учун баҳс олиб боради, Феруза эса терма жамоамиз хазинасига яна бир медал олиб кирди.
Бакрадзе Иман
Редактор