“Эйндховен кубоги”: боксчиларимиз ғалаба билан иштирокни бошлашди
Нидерландиянинг Эйндховен шаҳрида бокс бўйича нуфузли “Эйндховен кубоги” мусобақаси бошланди. Унда юртимизнинг етакчи чарм қўлқоп усталари — Париж-2024 Олимпиадаси йўлланмасини қўлга киритган Абдумалик Ҳалоков ва Асадхўжа Мўйдинхўжаев, шунингдек Олимпиада иштирокчиси Тўрабек Ҳабибуллаев ўз маҳоратларини намойиш этмоқда.
Қувонарли томони, барча боксчиларимиз мусобақани ишончли ғалаба билан бошлади:
• Абдумалик Ҳалоков (-60 кг) нидерландиялик Геронима Хартмансни ҳакамлар якдил қарор билан — 5:0 ҳисобида мағлуб этди.
• Асадхўжа Мўйдинхўжаев (-70 кг) украиналик Евгений Иванюк устидан ҳам 5:0 ҳисобида ишончли ғалабага эришди.
• Тўрабек Ҳабибуллаев (-90 кг) эса литвалик Жонас Жазевисиусни шу ҳисобда мағлуб этиб, биринчи босқични муваффақиятли якунлади.
Боксчиларимизга мусобақанинг кейинги босқичларида ҳам омад тилаб қоламиз.
