Боксчиларимиз Жаҳон кубогида 6 та олтин медални қўлга киритишди
Полша пойтахти Варшава шаҳрида бўлиб ўтган бокс бўйича Жаҳон кубоги мусобақаси ўз ниҳоясига етди. Мусобақанинг ҳал қилувчи босқичи — финал жангларида бугун Ўзбекистон терма жамоасининг 7 нафар вакили рингга чиқди. Улардан 6 нафари рақибларини мағлуб этиб, мамлакатимиз хазинасига олтин медал ёзди.
Мусобақа якунларига кўра, терма жамоамиз жами 9 та медал — 6 та олтин, 1 та кумуш ва 2 та бронза медали билан юртимизга қайтмоқда.
Олтин медал соҳиблари:
-55 кг — Миразизбек Мирзаҳалилов
-65 кг — Асадхўжа Мўйдинхўжаев
-75 кг — Фазлиддин Эркинбоев
-80 кг — Жавоҳир Умматалиев
-85 кг — Акмалжон Исроилов
+92 кг — Жаҳонгир Зокиров
Кумуш медал:
-57 кг — Хуморабону Мамажонова
Бронза медал соҳиблари:
-60 кг — Самандар Олимов
-70 кг — Гофур Тоҳиров
Бу ютуқ нафақат боксчиларимизнинг, балки уларни тайёрлаган мураббийлар ва бутун жамоанинг меҳнат самарасидир. Терма жамоамиз аъзоларини ушбу муваффақият билан табриклаймиз!