Bokschilarimiz Jahon kubogida 6 ta oltin medalni qo‘lga kiritishdi
Polsha poytaxti Varshava shahrida bo‘lib o‘tgan boks bo‘yicha Jahon kubogi musobaqasi o‘z nihoyasiga yetdi. Musobaqaning hal qiluvchi bosqichi — final janglarida O‘zbekiston terma jamoasining 7 nafar vakili ringga chiqdi. Ulardan 6 nafari raqiblarini mag‘lub etib, mamlakatimiz xazinasiga oltin medal yozdi.
Musobaqa yakunlariga ko‘ra, terma jamoamiz jami 9 ta medal — 6 ta oltin, 1 ta kumush va 2 ta bronza medali bilan yurtimizga qaytmoqda.
Oltin medal sohiblari:
-55 kg — Mirazizbek Mirzahalilov
-65 kg — Asadxuja Mo‘ydinxujaev
-75 kg — Fazliddin Erkinboev
-80 kg — Javohir Ummataliev
-85 kg — Akmaljon Isroilov
+92 kg — Jahongir Zokirov
Kumush medal:
-57 kg — Xumorabonu Mamajonova
Bronza medal sohiblari:
-60 kg — Samandar Olimov
-70 kg — G‘ofur Tohirov
Bu yutuq nafaqat bokschilarimizning, balki ularni tayyorlagan murabbiylar va butun jamoaning mehnat samarasidir. Terma jamoamiz a’zolarini ushbu muvaffaqiyat bilan tabriklaymiz!
