Боксчи Александр Усик учта чемпионлик камаридан воз кечди
Украиналик боксчи Александр Усик WBC, IBF ва WBA талқинлари бўйича оғир вазн тоифасидаги жаҳон чемпионлиги камарларидан воз кечди. Бу ҳақда у ўзининг Instagram саҳифасида хабар берди.
"Мен ҳозирда эгаллаб турган барча камарларни бўшатаман. Токи бошқа йигитлар улар учун курашиши мумкин бўлсин. Мен камарларни топшираман, лекин спортдан кетмайман, чунки олдимда «сўнгги рақс» бор. Барчага миннатдорчилик билдирмоқчиман ва барча ташкилотларга ҳурматимни изҳор қилмоқчиман. Бу онгли қарор, мен ишонаманки, бу мен учун янги имкониятлар очади. Бу ҳикоянинг охири эмас", — деди у.
39 ёшли украиналик боксчи 24 май куни у нидерландиялик Рико Верхувенни 11-раундда техник нокаут билан мағлуб этиб, WBA талқини бўйича жаҳон чемпионлиги унвонини олтинчи марта, WBC бўйича учинчи марта ва IBF бўйича биринчи марта ҳимоя қилди.