Бокс. Урганч шахри Ўзбекистон кубогига мезбонлик қилади
Урганч шахри Ўзбекистон кубогига мезбонлик қилади.
5–12 август кунлари Хоразм вилоятининг Урганч шаҳрида аёллар ҳамда U-17 ёш тоифасидаги ўсмир қизлар ўртасида Ўзбекистон кубоги баҳслари бўлиб ўтади.
Мазкур мусобақада мамлакатимизнинг барча ҳудудларидан сараланган энг иқтидорли чармқўлқоп усталари иштирок этиб, чемпионлик ва совринли ўринлар учун қизғин кураш олиб борадилар.
Бир ҳафта давом этадиган беллашувлар ёш боксчилар учун ўз маҳоратларини намоён этиш, мураббийлар учун эса келажакда миллий терма жамоага муносиб номзодларни саралаб олишга хизмат қилади.
Шу билан бирга, мазкур мусобақа мамлакатимизда хотин-қизлар ва ёшлар боксини янада оммалаштириш, янги истеъдодларни кашф этиш ҳамда келажак чемпионларини тарбиялаш йўлида муҳим аҳамият касб этади.
