Бекзод Исадуллаев TKO Boxing билан шартнома тузиши мумкин
Ўзбекистонлик боксчи сентябрда Дана Уайт промоутерлик компанияси сафидан ўрин олиши кутилмоқда
Расм: Telegram
Ҳамюртимиз Бекзод Исадуллаев фаолиятида катта ўзгариш бўлиши эҳтимолдан холи эмас. У Дана Уайтнинг TKO Boxing промоутерлик компанияси билан ҳамкорлик қилиш арафасида.
— Худо хоҳласа, сентябрда катта янгилик бўлади. Ҳозир устозимиз Феруз Йўлдошев билан машғулотларни давом эттиряпмиз. Ин Ша Аллоҳ, сентябрда барчаси ҳал бўлади. Ҳозирча кутяпмиз. Рақибларимиз ҳам аниқланиб қолади. Улар бизга рейтинги юқори ва кучли рақиб тайинланиши мумкинлигини айтишди. Асосий мақсад — Америкага кетиш, — деди Исадуллаев.
Маълумот учун, 24 ёшли Исадуллаев профессионал рингда 14 маротаба жанг ўтказган ва барчасида ғалаба қозонган.
Бакрадзе Иман
Редактор