Bekzod Isadullaev TKO Boxing bilan shartnoma tuzishi mumkin
O‘zbekistonlik bokschi sentabrda Dana White promouterlik kompaniyasi safidan o‘rin olishi kutilmoqda
Rasm: Telegram
Hamyurtimiz Bekzod Isadullaev faoliyatida katta o‘zgarish bo‘lishi ehtimoldan xoli emas. U Dana Whitening TKO Boxing promouterlik kompaniyasi bilan hamkorlik qilish arafasida.
— Xudo xohlasa, sentabrda katta yangilik bo‘ladi. Hozir ustozimiz Feruz Yo‘ldoshev bilan mashg‘ulotlarni davom ettiryapmiz. In Sha Alloh, sentabrda barchasi hal bo‘ladi. Hozircha kutyapmiz. Raqiblarimiz ham aniqlanib qoladi. Ular bizga reytingi yuqori va kuchli raqib tayinlanishi mumkinligini aytishdi. Asosiy maqsad — Amerikaga ketish, — dedi Isadullaev.
Ma’lumot uchun, 24 yoshli Isadullaev professional ringda 14 marotaba jang o‘tkazgan va barchasida g‘alaba qozongan.
Bakradze Iman
Redaktor