Баҳодир Жалоловнинг жангини соғлиқ муаммоси тўхтатди
Профессионал боксда катта қизиқиш уйғотган ва мухлислар интиқлик билан кутган жанг – Баҳодир Жалолов ҳамда италиялик Жанмарко Кардилё ўртасидаги тўқнашув белгиланган санада ўтмайдиган бўлди. 27 июл куни Нью-Йоркда ташкил этилиши режалаштирилган жанг рақиб боксчининг соғлиғи билан боғлиқ муаммолар туфайли бекор қилинди.
Ушбу беллашув нафақат ўзбек бокси, балки халқаро бокс мухлислари учун ҳам муҳим воқеа сифатида қаралар эди. Аммо соғлиқ билан боғлиқ эҳтиёт чоралари ҳар қандай спорт турида бўлгани каби боксда ҳам устувор аҳамиятга эга.
Жангнинг бекор қилиниши Жалоловнинг рингга қайтиши биroz кечикади деганидир. Айни пайтда у келгуси рақиб ва янги жанг санаси бўйича қарор қабул қилиши кутилмоқда.
Бу янгилик мухлислар учун кутилмаган бўлса-да, Жалоловга бўлган қизиқиш пасайгани йўқ. Уни яна рингда кўриш истагидаги спорт севувчилар унинг навбатдаги жангини кутишда давом этмоқда.
