Bahodir Jalolovning jangini sog'liq muammosi to'xtatdi
Professional boksda katta qiziqish uyg'otgan va muxlislar intiqlik bilan kutgan jang – Bahodir Jalolov hamda italiyalik Janmarco Kardilё o'rtasidagi to'qnashuv belgilangan sanada o'tmaydigan bo'ldi. 27 iyul kuni Nyu-Yorkda tashkil etilishi rejalashtirilgan jang raqib bokschining sog'lig'i bilan bog'liq muammolar tufayli bekor qilindi.
Ushbu bellashuv nafaqat o'zbek boksi, balki xalqaro boks muxlislari uchun ham muhim voqea sifatida qaralar edi. Ammo sog'liq bilan bog'liq ehtiyot choralar har qanday sport turida bo'lgani kabi boksda ham ustuvor ahamiyatga ega.
Jangning bekor qilinishi Jalolovning ringga qaytishi biroz kechikadi deganidir. Ayni paytda u kelgusi raqib va yangi jang sanasi bo'yicha qaror qabul qilishi kutilmoqda.
Bu yangilik muxlislar uchun kutilmagan bo'lsa-da, Jalolovga bo'lgan qiziqish pasaygani yo'q. Uni yana ringda ko'rish istagidagi sport sevuvchilar uning navbatdagi jangini kutishda davom etmoqda.
