Баҳодир Жалолов IBF рейтингининг кучли 15талигига кирди - Хргович ва Санчес мажбурий даъвогарлик учун жанг қилади

Бокс 17 апр 2025 да 05:24

Бакрадзе Иман

Редактор

Халқаро бокс федерацияси (IBF) хорват Филип Хргович (18–1, 14 КО) ва кубалик Франк Санчес (24–0, 17 КО) ўртасида жанг ташкил этиш ҳақида қарор чиқарди. Супероғир вазн тоифасидаги бу жанг Final Eliminator форматида ўтади - ғолиб амалдаги чемпион Даниэл Дюбуага қарши мажбурий даъвогарга айланади.

Инсайдер Дэн Рафаэлнинг хабар беришича, ҳар иккала жангчи томони музокараларни бошлашга тайёр эканини федерацияга маълум қилган. Айнан шу вазн тоифасида ўзбекистонлик профессионал боксчи Баҳодир Жалолов (17–0) сўнгги ғалабасидан сўнг IBF рейтингига кирди ва 13-ўринни эгаллади.