Баҳодир Жалолов: Ҳаммаси режадагидек кечмади… Лекин биз тўхтамаймиз!
Италиялик рақибнинг соғлиғи туфайли Нью-Йоркдаги жанг бекор қилинди
Расм: Instagram
Профессионал бокснинг оғир вазн тоифасида ҳаракат қилаётган ўзбекистонлик чемпион Баҳодир Жалолов 27 июл куни Нью-Йоркда ўтказилиши керак бўлган навбатдаги жангини амалга ошира олмади.
Унинг италиялик рақиби Жанмарко Кардильо тиббий сабабларга кўра жангда иштирок этолмаслиги маълум қилинди. Бу хабар Жалоловга АҚШга учиш чоғида, самолётда етказилган.
“Ҳаммаси ўйлаганимдек кечмади. Балки айнан шундай бўлиши керакдир. Тақдир биз билмаган йўллардан олиб боради… Биз йўлимизни давом эттирамиз”, — дея муносабат билдирди Жалолов жанги бекор бўлгани ҳақида.
Эслатиб ўтамиз, Жалолов ушбу жанг орқали жаҳон чемпионлиги учун курашга яна бир қадам яқинлашмоқчи эди. Энди эса унинг промоутерлари тез орада янги рақиб ва санани эълон қилиши кутилмоқда.
Бакрадзе Иман
Редактор