Аҳмадалиев: Чемпионнинг уйига бориб, унвонни олиб келиш керак
Иккинчи енгил вазн тоифасида WBA йўналиши бўйича вақтинчалик чемпион ҳисобланган ўзбекистонлик Муроджон Аҳмадалиев 14 сентябр куни Япониянинг Нагоя шаҳрида Наоя Иноуэга қарши ўтадиган тарихий жанг олдидан интервью берди.
“Профессионал фаолиятимга назар ташласангиз, фақат бир марта ўз уйимда жанг қилганман. Мексика, Нью-Йорк, Пуэрто-Рико, Хитой ва АҚШда кўплаб жанглар ўтказганман. Мен учун қаерда жанг қилиш муҳим эмас — мен доим сафарга чиқиб, ғалаба қозонганман. Чинakam чемпионлар айнан шундай йўл тутади. Чемпионнинг уйига бориб, камарларини олиб келиш керак”, — деди Аҳмадалиев.
У, шунингдек, рақибларни “йиртқич” деб аташ тенденциясига ҳам муносабат билдирди: “Мен ўзимни ҳеч қачон шундай деб айтмаганман ва бу Иноуэга ҳам тегишли деб ўйлайман. Биз, аввало, инсонмиз”.
Эслатиб ўтамиз, ушбу жангда Иноуэнинг WBA, WBC, IBF ва WBO камарлари хавф остида бўлади. Ғолиб эса мутлақ чемпион унвонини қўлга киритади.
