Александр Усик ўзининг энг қийин рақиби кимлигини айтди
38 ёшли украиналик супер оғир вазн чемпиони, WBC, IBF, WBA Super, IBO ва The Ring камарларининг соҳиби бўлган, мағлубиятга учрамаган Александр Усик ўзининг энг қийин рақиби кимлигини айтди.
«Менинг энг оғир рақибим ким? Бу — Мен. Ҳисоб 50 га 50, лекин барибир мен ютаман. Чунки ичимдаги иккинчи Александр доимо: “Бу ишни қилма, бу қийин”, — дейди. Мен эса унга: “Бу ишни сен қила олмайсан, мен эса қила оламан!” — деб жавоб қайтараман», — деди Усик YouTube’даги Fight Hub TV каналига берган интервьюсида.
Эслатиб ўтамиз, Усик охирги жангида 20 июль куни Лондоннинг «Уэмбли» стадионида британлик Даниэл Дюбуа билан тўқнаш келган эди. Бу жангида украиналик чемпион бешинчи раундда нокаут билан зафар қучди. Мазкур баҳс икки боксчи ўртасидаги реванш ҳисобланган.
