"Шалпангқулоқ"нинг ўлчамини биласизми? Ҳаммаси кубок ҳақида

Мақолалар 13 май 2025 да 04:20

Иброҳим Жалолов

Редактор

UEFA чемпионлар лигаси кубогининг оғирлиги 7,5 кг ва унинг баландлиги 73,5 см ўлчамда тайёрланишини билармидингиз?

1968/69 йилги мавсумда киритилган қоидага кўра, кубок мусобақада кетма-кет беш ёки уч йил ғолиб чиққан ҳар қандай клубнинг мулкига айланар, кейин эса нолдан ҳисоб-китоб бошланар эди.

2008/09 йилги мавсумда қоида ўзгартирилди. Янги қоидага кўра кубокнинг ҳақиқий, асли UEFA да қолади ва нусхаси клуб музейига берилади.

Ҳозирги кубок “шалпангқулоқ”ларнинг бешинчи авлод дизайн версияси ҳисобланади. Уни UEFA Бош котиби Ханс Бангертер 1967 йили "Real Madrid" га асл нусхасини сақлашга рухсат берилганидан кейин топширган.

Чемпионлар лигаси кубоги Берн шаҳрида (UEFA нинг ўша пайтдаги қароргоҳи яқинида) Юрг Стаделманн томонидан дизайн қилинган ва ишлаб чиқарилган.

Юрг Стаделманн шундай деб эслайди: "Мен отам Ханс билан бирга Ҳерр Бангертернинг кабинетига бордик ва бутун полни чизмалар билан қопладик. У шундай изоҳлар берди: “Болгарлар бунинг пастки қисмини хоҳлайди. Испанлар буни хоҳлайди, лекин италияликлар буни афзал кўришади ва немислар бунинг учун боришади. Биз шу тариқа дизайнлар ичидаги қайсидир қисмларини олиб, уларни бирлаштириб чиқдик.”

Кубокни тайёрлаш учун 340 соат вақт керак бўлди, Стаделманн қатъий белгиланган муддатда ишни бажарди. "Бу 28 мартгача тугатилиши керак эди, - дея қўшимча қилди Стаделманн, “чунки мен турмуш қураётган эдим ва хотинимни Лос-Анжелесга ўн кунлик қайиқ саёҳатига олиб кетаётган эдим.

Мен энг нозик ишни қилдим, кейин уни ўювчи Фред Бэннингер тугатди. Ҳаммаси ўз вақтида деб айтишдан хурсандман”