Чемпионлар Лигасида ҳафтанинг энг яхши футболчиси унвонига номзодлар маълум
UEFA матбуот хизмати 2025/2026-йилги мавсум UEFA Чемпионлар Лигаси ярим финал жавоб ўйинлари якунларига кўра ҳафтанинг энг яхши футболчиси унвонига даъвогарлар рўйхатини эълон қилди.
Бу рўйхатдан “Пари Сен-Жермен” ҳимоячиси Вильям Пачо ва “Арсенал” ярим ҳимоячиси Деклан Райс ўрин олди.
Пачо “Бавария”га қарши ўйинда (1:1) тўлиқ 90 дақиқа ҳаракат қилди, бироқ баённомада самарали ҳаракатлари билан қайд этилмади. Райс ҳам голли ҳаракат амалга оширмади, бироқ “Арсенал”га “Атлетико”ни мағлуб этишга (1:0) ва Чемпионлар Лигаси финалига чиқишга ёрдам берди.
Асосий евро кубок финали 30-май куни Венгрия пойтахти Будапештда бўлиб ўтади. Парижликлар мусобақанинг амалдаги чемпиони ҳисобланади. “Канонирлар” ўтган мавсумда ярим финалгача етиб бориб, бўлажак соврин соҳибларига имкониятни бой берганди.
