Tennis. Nukusda murabbiylar uchun seminar yakunlandi
Seminar davomida nazariy va amaliy mashg‘ulotlar tashkil etilib, murabbiylar o‘zaro tajriba almashishdi.
photo: Tennis Uzbekistan
Nukus shahrida murabbiylar uchun tashkil etilgan seminar muvaffaqiyatli yakuniga yetdi. Seminar davomida murabbiylar o‘z bilim va tajribalarini oshirish, zamonaviy tayyorgarlik uslublari bilan tanishish imkoniyatiga ega bo‘lishdi.
Mashg‘ulotlar tajribali mutaxassislar ishtirokida o‘tkazildi. Seminar davomida nazariy va amaliy mashg‘ulotlar tashkil etilib, murabbiylar o‘zaro tajriba almashishdi.
Seminar yakunida ishtirok etgan murabbiylarga faol qatnashgani uchun minnatdorchilik bildirildi. Tadbir samimiy va iliq muhitda yakunlandi.
O‘zbekiston tennis federatsiyasi mamlakatimizda murabbiylar salohiyatini oshirish va tennisni yanada rivojlantirish yo‘lidagi ishlarni davom ettiradi.
Ibrohim Jalolov
Redaktor