Sinner — dunyodagi eng kuchli tennischi. Alkaras — Rim finalidagi g‘alabadan so‘ng
Katta Shlem turnirlarining to‘rt karra g‘olibi, jahon reytingida uchinchi o‘rinda turuvchi 22 yoshli ispaniyalik tennischi Carlos Alkaras Rimdagi "Masters" finalida italiyalik Jannik Sinner ustidan qozongan g‘alabasidan so‘ng raqibi haqida o‘z fikrini bildirdi.
Kecha, 18-may kuni bo‘lib o‘tgan finalda Alkaras Sinnerni 7:6, 6:1 hisobida mag‘lub etdi.
«Sinner — hozirgi kunda eng kuchli o‘yinchi. U uch oy maydonga chiqmagan bo‘lsa ham, barcha turnirlarda o‘zini ajoyib ko‘rsatadi, deyarli har bir uchrashuvda g‘alaba qozonadi. Unga qarshi o‘ynaganda men yanada jamlanaman. Agar eng yaxshi o‘yingni ko‘rsata olmasang, uni yengish qiyin. Uning o‘ziga xos aurasi bor. Rafa va Rodjer o‘rtasidagi bellashuvlardagi his-tuyg‘ularimday emas, lekin Jannikka qarshi o‘ynaganda o‘zgacha energiya sezaman» , — dedi Alkaras matbuot anjumanida.
