Sergey Fomin Toshkentdagi turnirda ishonchli start oldi
Rasm: Gazeta.uz
Poytaxtimizda ikkinchi haftadirki, tennis bo‘yicha M15 toifasidagi xalqaro turnir bo‘lib o‘tmoqda. 15 ming dollarlik mukofot jamg‘armasiga ega bo‘lgan M15 Tashkent 2 musobaqasida bir qator o‘zbekistonlik tennischilar ham ishtirok etyapti. Ular orasida mamlakatimizning ikkinchi raketkasi Sergey Fomin birinchi raqam ostida bahslarga kirishgan.
Jahon reytingida 453-pog‘onada turgan Fomin musobaqani muvaffaqiyatli boshladi. U 97 daqiqa davom etgan ilk davra uchrashuvida hamyurtimiz Damir Abdusamatovni 6/3, 6/2 hisobida mag‘lub etdi.
Endilikda Sergey Fomin 1/8 final bosqichida rossiyalik Dmitriy Doljenkovga qarshi kortga chiqadi. Qayd etish joiz, raqib ATP reytingida 1860-o‘rinni egallab turibdi.
Bakradze Iman
Redaktor