O'zbekistonlik tennischi Sergey Fomin Shymkentdagi musobaqani g'alaba bilan boshladi

Tennis 23 apr 2025 da 05:21

Bakradze Iman

Shymkent shahrida ITF M15 seriyasiga kiruvchi tennis turnirining asosiy bosqich bahslari boshlandi. Musobaqada o'zbekistonlik tennischilar ham ishtirok etmoqda. O'zbekistonning ikkinchi raqamli tennischisi Sergey Fomin musobaqani muvaffaqiyatli boshlab, birinchi uchrashuvda g'alaba qozondi.

1/16 final bosqichida 77 daqiqa davom etgan bellashuvda Fomin rossiyalik Pavel Verbinni 6:4, 6:0 hisobida mag'lub etdi. Ta'kidlash joizki, Fomin ATP reytingida 461-o'rinda tursa, Verbin 1118-pog'onada joylashgan. Bu tennischilarning o'zaro birinchi uchrashuvi bo'ldi.

Fomin 1/8 finalda yana bir o'zbekistonlik tennischi - Maksim Shin bilan to'qnash kelishi mumkin. Avvalgi saralash bosqichida Shin vatandoshi Damir Abdusamadovni 6:3, 6:2 hisobida mag'lub etgan edi.