O‘zbekiston Billie Jean King Cup’ni g‘alaba bilan boshladi!

Malayziyada o‘tayotgan Billie Jean King Cup Asia/Oceania Group II musobaqasining ilk uchrashuvida O‘zbekiston terma jamoasi Shri-Lanka ustidan 2:1 hisobida g‘alaba qozondi.

Yakkalik bahslarida Nigina Alimova Yuhansa Peirisni 6:1, 6:3 hisobida, Sevil Yuldasheva esa Dinara De Silvani 6:1, 6:3 hisobida mag‘lub etib, jamoamizga muhim ikki ochkoni taqdim etdi.

Juftliklar uchrashuvida Keira Kim va Fotima Mahmudova raqiblariga qarshi munosib kurash olib bordi, biroq uchrashuv taqdirini hal qilgan hal qiluvchi super tay-brekda imkoniyatni boy berdi — 3:6, 7:5, 8:10.

Shu tariqa, O‘zbekiston terma jamoasi turnirni g‘alaba bilan boshlab, guruh bosqichidagi ilk muhim qadamni tashladi.

Ibrohim Jalolov

Redaktor

0 0 0 0 0 0